 தமிழ்த் திரை இசையின் வரையரைகளை மாற்றி எழுதிய இளையராஜா அடுத்தபடியாக இசையமைக்கவிருக்கும் படம் 'விளையாடு ராஜா விளையாடு'. ராஜாவின் அண்ணன் பாவலர் வரதராஜன் மகன் ஜோ வரதராஜன் எழுதி இயக்கும் இந்தப் படம் இளையராஜாவின் இசையில் வெளிவரும் 875-ஆம் படமாக இருக்கும்.
அக்டோ பர் மாதம் சிதம்பரத்தில் நடைபெறவுள்ள நாட்டியாஞ்சலி நிகழ்ச்சி நேரடியாகப் படமாக்கப்பட்டுப் படத்தின் முக்கியக் காட்சியாக இடம்பெறுகிறது. இசைக்கு முக்கியத்துவம் அளித்து உருவாகும் இந்தப் படத்தை ப்ரண்ட்ஸ் ப்யீச்சர் ஃபிலிம்ஸ் சார்பில் ஷாகீர் தயாரிக்கிறார். படத்தை இயக்கும் ஜோ வரதராஜன் இயக்குநர் ஆர்.வி. உதயகுமாரிடம் உதவியாளராகப் பணியாற்றியவர்.
விளையாடு ராஜா விளையாடு படத்தில் 'பிறப்பு' படத்தில் நடித்த பிரபா கதாநாயகனாக நடிக்கிறார். மனோரமா, நளினி ஆகியோர் முக்கிய வேடங்களில் நடிக்கிறார்கள். கதாநாயகி, இதர கலைஞர்களுக்கான தேர்வு நடைபெற்றுவருகிறது.
|